ⵜⴰⵣⵡⵓⵔⵜ
ⵉⴳⴰ ⵡⴰⵙⵉⵜ ⴰⴷ ⴰⵎⴰⴷⴷⵓⴷ ⵜⴰⴳⴳⵓⵔⵜ ⵜⴰⵎⵔⵙⴰⵍⵜ ⵏ ⵢⵉⴳⵔ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ, ⵏⵏⴰ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⴳⵉⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵡⴰⵜⵙⵏ ⴰⵙⴷⵓⵙ ⵏ ⵓⵣⴷⴰⵢ ⵏⴳⵔ ⵍⵎⵖⵔⴰⴱ ⴷ ⵉⵏⵎⵓⵔⴰⵏ ⵏⵏⵙ ⵏⵏⴰ ⵣⴷⵖⵏⵉⵏ ⴳ ⴱⵕⵕⴰ, ⵙ ⵎⴰⴷ ⵉⴽⵛⵎ ⴳ ⵢⴰⵜ ⵜⵎⵢⴰⴷⴰⵙⵜ ⵏⵏⴰ ⵉⴱⴷⴷⵏ ⵅⴼ ⵡⴰⴷⴰⵙ ⴷ ⵜⵙⵓⵙⵖⵜ ⴷ ⵓⴹⴼⴼⵓⵕ, ⵙⴳ ⵓⵙⵓⵊⴷ ⵏ ⵢⴰⵏ ⵓⵙⴰⵢⵔⴰⵔ ⵏ ⵓⵎⵍⴰⵏ ⴷ ⵓⵙⵡⴰⵍⴰ ⴷ ⵓⵎⵔⴰⵔⴰ ⵉ ⵉⵎⵖⵔⵉⴱⵉⵏ ⵏⵏⴰ ⵣⴷⵖⵏⵉⵏ ⴳ ⴱⵕⵕⴰ.
ⵉⵡⵜⵜⴰⵙⵏ ⵏ ⵓⵙⵉⵜ
ⵉⵡⴰⵜⵙ ⵡⴰⵙⵉⵜ ⴰⴷ:
- ⴰⵙⵎⵓⵏ ⵏ ⵓⵎⵍⴰⵏ ⵉⵣⴷⵉⵏ ⵙ ⵜⵏⵓⴼⴰ ⴷ ⵉⵖⴰⵡⴰⵙⵏ ⴷ ⵉⵎⴰⵙⵙⵏ ⵏⵏⴰ ⵉⵡⴰⵜⵙⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ
- ⴰⵙⵀⵡⵏ ⵏ ⵡⴰⴷⴰⴼ ⵙ ⵜⵎⴳⴳⴰ ⵜⵉⵎⵙⵙⵓⴳⵓⵔⵉⵏ ⴷ ⵜⵏⵓⴼⴰ ⵜⵉⵎⵓⵟⵟⵓⵏⵉⵏ ⵏⵏⴰ ⵢⴰⴽⴽⴰ ⵢⵉⴳⵔ ⴷ ⵉⵎⵛⵛⵔⴽⵏ ⵏⵏⵙ
- ⴰⵙⵎⴰⵜⵔ ⵏ ⵓⴱⵣⴰⵔ ⵏ ⵉⵎⵖⵔⵉⴱⵉⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⵢⵉⴳⵔⴰⵏ ⵉⴷⴰⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵎⴰⵙⵙⴰⵏⵏ;
- ⴰⵙⵓⴷⵙ ⵏ ⵓⵙⵎⵓⵙⵙⵓ ⵏ ⵜⵙⵓⴳⴰⵔ ⵜⵉⵎⵖⵔⵉⴱⵉⵢⵏ ⴳ ⴱⵕⵕⴰ.
- ⴰⵙⴷⵓⵙ ⵏ ⵓⵎⵙⴰⵡⴰⴹ ⴰⵎⵔⵙⴰⵍ ⴷ ⵓⵙⵔⵔⵇⴱ ⵏ ⵓⵎⵔⴰⵔⴰ ⴰⵙⵓⵍⴰⵏ ⴰⴽⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ.
ⵜⵓⵎⴰⵢⵉⵏ ⴷ ⵜⵏⵓⴼⴰ ⵉⵜⵜⵓⴼⴽⴰⵏ
ⴰⵔ ⵢⴰⴽⴽⴰ ⵡⴰⵙⵉⵜ ⵙ ⵜⵥⵍⴰⵢⵜ :
- ⵓⵎⵍⴰⵏ ⵅⴼ ⵜⵙⵎⵉⴳⴰⵍ ⴷ ⵉⵎⵓⵙⵙⵓⵜⵏ ⵏ ⵢⵉⴳⵔ
- ⵉⵎⴰⵏⴰⵔ ⵉ ⵓⴹⴼⵓⵕ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⴽⵔⴰⵢⴳⴰⵜⵜ ⵜⵉⵎⴳⴳⴰ( ⵓⵖⵓⵍ, ⴰⵙⵙⴰⵔⵓ, ⴰⵏⵏⴰⵍ ⴰⵏⴰⵎⵓⵏ ...)
- ⴰⵖⴰⵡⴰⵙ ⵏ ⵉⵎⵓⵙⵙⵓⵜⵏ ⴷ ⵜⵙⵏⵜⴰⵢⵉⵏ
- ⴰⴷⴰⴼ ⵉⵀⵡⵏⵏ ⵙ ⵜⵏⵓⴼⴰ ⵜⵉⵍⵉⴽⵜⵕⵓⵏⵉⵢⵉⵏ ⴷ ⵜⴰⴷⴽⴽⵯⴰⵏⵉⵏ ⵜⵉⵎⵛⵛⵔⴽⴰ
- ⵉⵏⵖⵎⵉⵙⵏ ⴷ ⵜⴰⵏⴰⴹⵉⵏ ⴷ ⵜⵥⵕⵉⴳⵉⵏ ⵜⵉⵎⴰⴷⴷⵓⴷⵉⵏ ⴷ ⵉⵙⵓⴳⴰⵎ ⵏⵏⴰ ⵎⵓ ⵉⵜⵜⵢⴰⴼⴰ ⵡⴰⴳⵎ ⵏⵏⵙ;
- ⵢⴰⵏ ⵓⵙⴰⵢⵔⴰⵔ ⵏ ⵓⵎⵙⴰⵡⴰⴹ ⴷ ⴰⵙⵏⵓⴱⴳ ⵏ ⵜⵓⵜⵔⵉⵡⵉⵏ ⴷ ⵜⵙⵓⵎⴰⵔ.
ⵉⵙⵎⵉⵍⵏ ⵉⵜⵜⵓⵙⵡⵓⵜⵜⵙⵏ
ⵜⵡⴰⵜⵙ ⵜⴳⴳⵓⵔⵜ ⴰⴷ ⵙ ⵜⵥⵍⴰⵢⵜ:
- ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⴽⵔⴰⵢⴳⴰⵜ ⵜⴰⵙⵓⵜ.
- ⵜⵉⵎⵙⵎⵓⵏⵉⵏ ⴷ ⵉⵎⴳⴳⴰⵢⵏ ⴳ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ.
- ⵉⴷ ⴱⴰⴱ ⵏ ⵉⵙⵏⵜⴰⵢ ⴷ ⵉⵎⵙⵙⴰⵔⵓⵜⵏ ⴷ ⵜⵙⵓⴳⴰⵔ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ.
- ⵉⵎⵛⵛⵔⴽⵏ ⵉⵎⵔⵙⴰⵍⵏ
- ⴽⵔⴰⵢⴳⴰⵜ ⵓⴳⴳⵉⴷ ⵏⵖⴷ ⵜⵉⵎⵔⵙⵍⵜ ⵏⵏⴰ ⵉⵔⴰⵏ ⴰⴷ ⵜⵙⵙⵏ ⵜⴰⵙⵔⵜⵉⵜ ⵉⵥⵍⵉⵏ ⵙ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⵜⴳⵍⴷⵉⵜ.
ⵜⵉⵎⵔⵉⵙⵉⵏ ⵏ ⵢⵉⴳⵔ
ⴰⵔ ⵉⵙⵙⵓⵖⵓⵏ ⵢⴳⵔ ⵙⴳ ⵡⴰⵙⵉⵜ ⴰⴷ :
- ⴰⵙⵎⵏⵉⴷ ⵏ ⵢⴰⵏ ⵓⵎⵍⵉ ⵉⴼⴰⵡⵏ ⴷ ⵓⵎⴰⵢⵏⵓ ⴷ ⵉⵀⵡⵏ ⵙⵉⵙ ⵡⴰⴷⴰⴼ.
- ⴰⴹⴰⴽⴰⵍ ⵏ ⵢⴰⵏ ⵓⵙⵜⴰⵔⴰ ⵉⴼⵓⵍⴽⵉⵏ, ⵓⵍⴰ ⴳ ⵜⵜⵉⵍⵉⴼⵓⵏ
- ⴰⵙⴼⵍⵙ ⵏ ⵜⵏⴼⵔⵓⵜ ⴷ ⵜⵏⵏⵓⵜⵍⴰ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ
- ⴰⵃⵟⵟⵓ ⴳ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵜⵙⵓⵙⵖⵜ ⴷ ⵡⴰⴷⴰⵙ ⵙⴳ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ.
ⵓⵎⵍⴰⵏ ⵉⵕⵡⴰⵏ
- ⵉⴳⵔ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴰⴷ ⵉⵡⴰⵍⴰⵏ ⵜⴰⵎⵙⵙⵓⴳⵓⵔⵜ ⵏ ⵡⴰⵙⵉⵜ ⴰⴷ.
- ⴽⵔⴰⵢⴳⴰⵜⵜ ⵜⴰⵎⵀⵍⵜ ⵏ ⵡⴰⵍⴰⵙ ⵏ ⵜⵙⵢⴰⴼⵓⵜ ⵏ ⵜⵓⵎⴰⵢⵜ ⵉⵇⵇⴰⵏ ⴷ ⴰⴷ ⵜⵡⵇⵇⵔ ⵉⵣⵔⴼⴰⵏ ⵏ ⵓⵎⴳⴰⵢ
- ⴰⵔ ⵜⵜⵏⵓⵕⵥⵓⵎⵏⵜ ⵜⵖⵓⵏⵉⵡⵉⵏ ⵙ ⵡⴰⵙⵉⵜ ⵏⵖⴷ ⵙ ⵉⵙⵓⴳⴰⵎ ⵏ ⴱⵕⵕⴰ ⴳ ⵢⴰⵏ ⵓⵙⴽⵙⵍ ⴰⵎⴰⵢⵏⵓ ⴼⴰⴷ ⴰⴷ ⵢⵉⵍⵉ ⵓⵃⵟⵟⵓ ⵏ ⵜⵔⵎⵉⵜ ⵏ ⵓⵙⵜⴰⵔⴰ.
- ⵉⵖ ⵉⵍⵍⴰ ⵓⵙⵎⵔⵙ ⵏ ⴽⵔⴰ ⵏ ⵜⵓⵎⴰⵢⵜ ⵙⴳ ⴷⴰⵔ ⵜⴰⴼⵓⵍⵜ ⵜⵉⵙ ⴽⵕⴰⴹⵜ (ⵉⵎⴰⵏⴰⵔⵏ, ⵜⵉⵡⵍⴰⴼⵉⵏ...) ⴰⵔ ⵉⵜⵜⵓⴱⴷⴰⵔ ⵓⵙⴰⴳⵎ ⵙ ⵜⵖⴰⵔⴰⵙⵜ ⵜⴰⵏⴱⵔⵉⴷⵜ.