ⴰⵙⵎⵏⵉⴷ ⵏ ⵢⵉⴳⵔ ⵏ ⵉⵎⵖⵔⵉⴱⵉⵏ ⵣⴷⵖⵏⵉⵏ ⴳ ⴱⵕⵕⴰ

ⵉⴳⴰ ⵢⵉⴳⵔ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵢⴰⵜ ⵜⵓⵚⴽⵉⵡⵜ ⵜⴰⵎⵙⵙⵓⴳⵓⵔⵜ ⵏⵏⴰ ⵉⴹⴼⵕⵏ ⵉ ⵜⵎⴰⵡⴰⵙⵜ ⵏ ⵉⵙⴽⴽⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵕⵉⵇⵉⵢ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ, ⴰⵍⵍⴰⵍ ⵏⵏⵙ ⵉⴳⴰⵜ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ, ⴷ ⵓⵙⴷⵓⵙ ⵏ ⵜⴰⵍⵓⴼⵜ ⵏⵏⵙ ⵙ ⵍⵎⵖⵔⵉⴱ, ⴷ ⵓⵙⴷⵓⵙ ⵏ ⵓⴱⵣⴰⵔ ⵏⵏⵙ ⴳ ⵜⵏⴼⵔⵓⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵉ ⵜⵎⴰⵣⵉⵔⵜ ⵏⵏⵙ ⵜⴰⵕⵚⵍⵉⵜ.

ⴷ ⴰⵔ ⵢⴰⴽⴽⴰ ⵍⵎⵖⵔⵉⴱ ⵢⴰⵜ ⵓⵏⵀⵍⵍⴰ ⵉⵥⵍⵉⵏ ⵉ ⵉⵏⵎⵓⵔⴰ ⵉⵎⵖⵔⵉⴱⵉⵏ ⵣⴷⵖⵏⵉⵏ ⴳ ⴱⵕⵕⴰ, ⵏⵏⴰ ⵎⵓ ⵉⴳⴰ ⵓⵟⵟⵓⵏ ⵏⵏⵙ ⵓⴳⴳⴰⵔ ⵏ ⵙⵎⵎⵓⵙ ⵉⴷ ⵎⵍⵢⵓⵏ ⵏ ⵓⴼⴳⴰⵏ, ⵣⴷⵖⵏ ⴳ ⵎⴰⴷ ⵉⵜⵜⴳⴰⵏ 100 ⵏ ⵜⵎⴰⵣⵉⵔⵜ.

ⴰⵔ ⵉⵜⵜⵏⴼⵍⴰⵍ ⵓⵏⵀⵍⵍⴰ ⴰⴷ ⴳ ⵜⴷⵓⵍⵉ ⵜⴰⵎⵉⵔⵉⵡⵜ ⵏ ⵓⵥⵟⵟⴰ ⴰⴷⵉⴱⵍⵓⵎⴰⵙⵉ ⴷ ⵜⵙⵇⵓⵏⵙⵓⵍⵜ ⵜⴰⵎⵖⵔⵉⴱⵉⵜ, ⵍⵍⵉⵖ ⵉⵟⵟⴰⴼ ⵍⵎⵖⵔⵉⴱ 110 ⵏ ⵜⵎⵙⵇⴰⴷⵜ ⴷ 10 ⵏ ⵉⴽⴰⴱⴰⵔⵉⵏ ⵉⴷⵉⴱⵍⵓⵎⴰⵙⵉⵢⵏ ⵉⵙⵓⵍⴰⵏⵏ ⴷ 60 ⵏ ⵜⵙⵇⵓⵏⵙⵓⵍⵜ ⵜⴰⵎⴰⵜⴰⵢⵜ ⴳ ⴱⵕⵕⴰ.

ⵎⴽⵍⵍⵉ ⵉⵜⵜⵏⴼⵍⴰⵍ ⵓⵏⵀⵍⵍⴰ ⵉⴳⴳⵓⵜⵏ ⵏⵏⴰ ⵉⴽⴼⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵉ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⵜⵓⴳⵜⵜ ⵏ ⵉⵏⴰⵡⵏ ⵏⵏⵙ ⵢⴰⵜⵜⵓⵢⵏ, ⴰⵎⴳⴳⴰⵔⵓ ⵏⵏⵙⵏ ⵉⵏⴰⵡ ⵏ 06 ⵏⵓⵡⴰⵏⴱⵉⵔ 2024 ⵍⵍⵉ ⵉⴳⴰⵏ ⵢⴰⵜ ⵜⵏⵇⵇⵉⴹⵜ ⵏ ⵓⵙⵏⴼⵍ ⴳ ⵜⵏⵏⵓⴱⴹⴰ ⵏ ⵉⴳⵔⴰⵡⵏ ⵉⵜⵜⵓⵥⵍⴰⵢⵏ ⵉ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ, ⵍⵍⵉⵖ ⵉⵏⵏⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴳⴷⴷ ⵏ ⵓⵙⵇⵇⵉⵎ ⵏ ⵉⵎⵖⵔⴰⴱⵢⵉⵏ ⵏ ⵜⵎⵉⵣⴰⵔ ⵏ ⴱⵕⵕⴰ, ⵍⵍⵉⵖ ⵉⴳⴰ ⵢⴰⵏ ⵓⴳⵔⴰⵡ ⴰⵎⵛⴰⵡⴰⵕ, ⴷ ⵓⵙⵔⵓⵙ  "ⵜⵉⵎⵔⵙⵍⵜ ⵍⵎⵓⵃⴰⵎⵎⴰⴷⵢⴰ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ", ⴰⵎ ⵢⴰⵏ ⵓⵚⵎⵓⴹ ⴰⵎⵣⵣⴳⴰⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵢⵉⴳⵔ ⴰⴷ.

ⵉⴳⴰ ⵉⵏⴰⵡ ⴰⴷ ⴰⵣⴷⴰⵡ ⵏ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵜⵎⵍⴷⴰ ⵏ ⵓⴽⵜⵜⴰⵢ 64 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ, ⵍⵍⵉⵖ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵢⴰⵏ ⵓⵙⵓⵖⵏ ⵏ ⵓⵙⵔⵓⵙ ⵏ ⵢⴰⵜ ⵜⵣⴷⴰⵢⵜ ⵜⵓⵚⴽⵉⵡⵜ ⵜⴰⵙⵓⵍⴰⵏⵜ ⴰⴽⴷ ⵜⵙⵓⴳⴰⵔ ⵜⵉⵎⵖⵔⴰⴱⵉⵢⵏ ⴳ ⴱⵕⵕⴰ, ⴷ ⵓⵙⵔⵓⵙ ⵏ ⵢⴰⵜ ⵜⵖⴰⵔⴰⵙⵜ ⵉⵥⵍⵉⵏ ⵉ ⵓⴹⴼⵓⵕ ⴷ ⵡⴰⵏⵏⴰⵍ ⵏ ⵜⵙⵏⵜⴰⵢⵉⵏ ⵏⵏⵙ ⴷ ⵉⵙⵏⵜⴰⵢ ⵏⵏⵙ

ⵉⴽⵍⵍⵉ ⵢⵓⵎⴰ ⵉⵥⵕⵉ ⴰⴳⵍⴷⴰⵏ ⵙⵎⵎⵓⵙ ⵉⵙⴳⵓⵎⵏ: (1) ⴰⵙⵙⵔⵇⴱ ⵏ ⵓⵙⵙⴰⵔⵓ, (2) ⴰⵙⵎⵓⵙⵙⵓ ⵏ ⵜⵙⵓⴳⴰⵔ,(3) ⵜⴰⵎⵙⵙⵓⴳⵓⵔⵜ ⴷ ⵉⵣⵔⴼⴰⵏ,(4) ⴰⵙⴷⵓⵙ ⵏ ⵜⵎⴰⴳⵉⵜ,(5) ⵜⵉⵏⵏⵓⴱⴹⴰ.